Petecio, Magno nanamilit na's Aiba Women's sa India

NATAPOS na ang kampanya sa duha ka miyembro sa women’s boxing team sa 2018 Aiba Women’s World Boxing Championships nga gihimo sa KD Jadhav Indoor Stadium sa New Delhi, India.

Napakyas sila kanhi world championship silver medalist Nesthy Petecio (featherweight 57 kgs.) ug Irish Magno (flyweight 51 kgs) sa ilang dibisyon.

Suma pa, daghang kilay ang misaka sa makadudang unanimous decision loss ni Petecio kontra kang Yeni Marcela Arias Castaneda sa Colombia.

Gihatag sa upat ka European judges ug usa ka hurado gikan Zimbabwe ang ilang boto sa Colombian bet sa iskor nga 29-28, 30-27, 29-28, 29-28 at 29-28.

Wa sab mo-obra si Magno kontra kang Chang Yuan sa China nga nakakuha og 4-1 desisyon.

Sa kapildihan sa duha, gilaumang moresbak alang kanila ang laing duha ka pambato sa Pilipinas nga sila Aira Villegas (bantamweight 54 kgs) ug kanhi world champion Josie Gabuco (light flyweight 45-48 kgs.) nga moatbang sa mga beteranong karibal.

Moaway si Villegas sa second round kontra Peamwilai Laopeam sa Thailand, samtang si Gabuco kang Wu Yu sa China.

Una ng miyukbo si Carolyn Calungsod nga napildi kang Caroline Veyre sa Canada sa first round sa lightweight (60 kgs) division.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph