HUMAN sila gipalagpot sa Alaska Aces sa semi-finals sa PBA Governor’s Cup niadtong Sabado, ang Meralco Bolts nagtutok na dayon sa umaabot nga rookie draft.
Dayag ang Bolts sa ilang tinguha nga makabira og dekalidad nga big man aron matapakan ang taodtaod na nilang haw-ang sa ilawom bahin.
Nagkanayon si Meralco coach Norman Black nga wala’y partikyular nga magduduwa nga gusto siyang kuhaon, ang importante alang kaniya nga makaduwa kini sa forward o center nga mga posisyon.
Gipasabot ni Black nga ikalima sila nga mopili sa draft, hinungdan nga ang paghuwat na lang nga mabinlan siya og dekalidad nga magduduwa nga iyang gipangita. ESL