MGA nag-unang boksidor ug promoters sa nasod ang hatagan og pasidungog sa nagpadayon nga 3rd WBC Women’s Convention ug sa Asian Summit sa Philippine International Convention Center sa Pasay City.
Ang pasidunggan mao ang mga kasamtangan Filipino world champion nga sila si Manny Pacquiao (WBC welterweight), Jerwin Ancajas (IBF junior bantamweight), Nonito Donaire Jr. (WBA bantamweight), Vic Saludar (WBO minimumweight) ug Michael Dasmariñas (IBO bantamweight).
Tungod usab sa ilang ka aktibo sa pagpromote, pasidunggan usab sila si Claude Mananquil sa SanMan Promotions, Gabriel Elorde Jr. sa Elorde Promotions ug Brico Santig sa Highland Boxing Gym, sa WBC kinsa maoy mipahigayon sa maong event nga gi-host sa Games and Amusement Board (GAB) nga gipangulohan sa chairman nga si Abraham Kahlil Mitra kinsa mao usab ang international secretary sa WBC.
Ilhon usab ang mga kanhi Filipino world champions nga nakahatag og kasikas sa ilang panahon nga sila si Rene Barrientos, Erbito Salvarria, Rolando Navarette, Frank Cedeno, Luisito Espinosa ug Gerry Peñalosa. JBM