TUNGOD sa pagpromotar sa maayong pamatasa sa telebisyon ug radyo, ang nagkadaiyang programa sa GMA Network mihakot og pag-ila sa 40th Catholic Mass Media Awards (CMMA) nga gihimo sa Star Theater, Nobyembre 14.
Sa makausa pa, ang news magazine program nga “Kapuso Mo, Jessica Soho” midawat sa Best News Magazine.
Ang “Holy Land Coverage”—Unang Hirit’s special coverage sa Lenten season, midaug sa Best Special Event Coverage award.
Ang GMA News and Public Affairs’ “The Atom Araullo Specials” girekognisa sab isip Best Adult Educational/Cultural Program, samtang ang Best Children and Youth Program award gihatag sa “Aha!”
Ang Best Comedy Program nakuha sab sa comedy anthology “Dear Uge” ni Eugene Domingo.
Samtang ang drama anthology “Stories for the Soul”, diin host si Senator Manny Pacquiao, midawat sa Best Religious Program.
Ang “State of the Nation with Jessica Soho” mihakot sab sa Best News Program.
Ang multi-awarded drama anthology program “Wagas” miangkon sab sa Best Drama Series/Program citation.
Gihatagan sab og pag-ila ang GMA’s flagship AM radio station Super Radyo DZBB’s “Dobol A sa Dobol B,” diin host sila Arnold Clavio and Ali Sotto, isip Best News Commentary.
Ang GMA Network’s station ID, “Buong Puso Para sa Kapuso” midawat sab sa Best Station ID.
Samtang ang GMA Regional TV’s “Balitang Bisdak” miangkon sa special citation nga Best News Program sa komprehensibo nilang coverage sa lubong ni Cebu Archbishop Emeritus Ricardo Cardinal Vidal.