SECTIONS
Saturday, September 21, 2019
SUPERBALITA CEBU

Kaso batok ni Ayuman gibasura sa hukmanan

GIHUKMAN sa Municipal Trial Court in Cities (MTCC) si kanhi Apas barangay captain Ramil Ayuman nga way sala sa kasong carnapping nga gipasaka ni kanhi acting Mayor Margarita Osmeña niadtong 2016.

Sa desisyon ni MTCC Judge Oscar Andrino, wa siyay nakitang igong ebedinsya nga magkombikto kang Ayuman, kinsa napili nga barangay kagawad sa Apas sa miaging barangay election.

“Premises considered, judgment is hereby rendered finding the accused , Ramil V. Ayuman , not guilty of the crime of violation of Art. 221, paragraph 2, of the Revised Penal Code for failure of the prosecution to prove the guilt of said accused beyond reasonable doubt,” matod ni Andrino.

Ang maong hukom gihangop sa kampo ni Ayuman diin siya ang ikaduhang kapitan kansang kaso gibasura sa MTCC gumikan sa kakuwang sa ebedinsya.

Unang nahukman nga way sala mao si Barangay kapitan Ana Tabal sa Tagba-o.

“Pasalamat ko sa korte nga nihatag og paborabli nga desisyon. Pero nag-expect na gyud ko nga mao kini ang desisyon kay wa man gyud to siyay malice in the first place,” padayag ni Ayuman dihang nadelatar ang iyang pag-uli sa mga sakyanan ngadto sa City Hall niadtong Mayo 2016.

Ang kanhi kapitan sa Apas nanawagan nga resolbahon usab ang iyang kaso nga gisang-at batok kang Mayor Tomas Osmeña gumikan sa paggamit niini sa Dodge Charger nga gipanag-iya sa usa ka magpapatigayon.

Si Ayuman magpapili pagka konsehal sa dakbayan sa Sugbo sa 2019 elections.

“Ang akong mensahe ngadto ni Mayor Tommy ug Margot, ngadto sa Ombudsman ug sa Office of the President nga dalion sab nila ang pag-resolve niadtong Dodge Charger nga klaro kaayong dunay violation nga gigamit ug gidawat sa mayor gikan sa negusyante,” dugang ni Ayuman. PAC


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph