Tita Heart: Maghikog ang kabit

DEAR Tita Heart,

Ako diay si Greg, taga Cagayan de Oro. Akong problema tita bahin sa akong uyab-uyab. Actually, minyo ko tita ug naa ko’y kabit. Gusto na nako siya bulagan tita kay maluoy ko sa akong asawa nga akong giluiban, pero gasige og bahad akong kabit nga maghikog siya kung akong bulagan. Unsaon nako tita nga makabulag siya nako? Libog kayo akong hunahuna karon.

Greg

*****

Hello Greg

Okay. Niabot na sa punto nga nakahuna-huna naka ug nakatimbang-timbang kinsay mas importante sa imong kinabuhi, ug buott na nimo bulagan imong gitawag nga kabit ug dili gayud nimo siya mabasol kung nahigugma na siya og tinud-anay kanimo kay tingali kusog ka magpasakay. Pasabta imong kabit og maayo nga ang inyong relasyon duha tago-tago. Pasabta siya nga sa sinugdanan, nakabalo na siya nga usa ka ka-minyo gawas lang kung nibakak ka sa imong status, problema na gayud na nimo kung nagpa-feeling ulitawo pod ka.

Ipasabot kaniya nga dili ka angayan hikogan kay aduna pay laing lalaki nga andam mosapnay kaniya.

Tita Heart

Related Stories

No stories found.
SunStar Publishing Inc.
www.sunstar.com.ph