Lokal Kasikas: Kauyagan, magbukas sa 16th Mindanao Film Fest

(Contributed photo)
(Contributed photo)

ANG 16th Mindanao Film Festival magbukas pinaagi sa usa ka full-length feature film nga gikuhaan sa Bukidnon ug ginama sa usa ka filmmaker gikan Cagayan de Oro.

Ang “Kauyagan” (Way of Life) ni Julienne Ilagan ipasalida karong Disyembre 5 sa Gaisano Mall Cinema 6.

Ang “Kauyagan” (Way of Life) nagtuyok sa kinabuhi sa usa ka “presumptive Talaandig tribal leader” nga nagduha-duha sa pagdawat sa iyang papel tungod mas anaa ang iyang kasing-kasing sa kinabuhi sa dakbayan.

Ang pelikula gipasalida na sab karon nga tuig sa Tofarm Film Festival.

Bida sa movie si Jeff Bringas nga usa sa Bringas Brothers duo, finalists sa ABS-CBN Pilipinas Got Talent 2011.

Anaa sab ang musical artist nga si Bayang Barrios diin siya midaug nga

best supporting actress award sa 2018 Tofarm Film Festival.

Ang Mindanao Film Festival, gikonsiderang “longest running regional film festival” sa nasud himuon karong Disyembre 5 ngadto 11, 2018 sa Gaisano Mall Cinema 6 sa Davao City.

Karon nga tuig, ang MFF nagdala sa temang “cinema of convergence” nga may 107 ka pelikula, nga labing daghan sa history sa festival.

“The theme reflects what the festival has been doing to sustain itself, forging linkages and partnerships with the public and private sectors, despite our meager resources we managed to continue thanks to our convergence with our different partners,” suma ni assistant festival director Ivan Tadena.

Apil sa movie nga i-feature sa film festival mao ang pelikula ni Erich Gonzales, usa kini ka action film nga “We Will Not Die Tonight.”

Ang screening sa “We Will Not Die Tonight” ka-partner sab ang JCI Davaoeña Daba-Daba.

Ipakita sab ang mga short films sa festival sama sa gikuhaan sa Mt. Diwalwal ang “Siyudad sa Bulawan” (City of Gold) ni Jarell Serencio, “Pulangui” ni Bagane Fiola nga naapil sa Cinema One Originals short film competition ug ang Nabunturan shot sci-fi short “3021.”

Karong Nobyembre 30, ang preview sa 16th Mindanao Film Festival ipakita atol sa Salida Kultura event sa Davao Cinematheque, diin parte kini sa Kalinaw Kultura Davao Roadshow nga gi-organisa sa Philippine Information Agency ug National Commission for the Culture and the Arts. (PIA/RG Alama)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph