Duna nay nakadawat sa 4Ps

NADAWAT na sa mga benepisyaryo sa Pantawid Pamilyang Pilipino Program (4Ps) sa Central Visayas nga wala pay cash cards, ang ilang cash grants sugod sa miaging semana.

Apan duha ka buwan lang una ang ilang nadawat nga kwarta o alang sa Period 3, gikan sa Hunyo hangtod sa Hulyo ning tuiga, sumala ni Kerwin Macopia, information officer sa 4Ps sa Department of Social Welfare and Development (DSWD) 7.

Gipaagi sa conduit partner sa Land Bank of the Philippines ang pag-release sa cash grants ngadto sa mga benepisyaryo sa 4Ps sa Sugbo, Negros Oriental, Bohol ug Siquijor sanglit wala pa sila’y cash cards sa LBP.

Dinhi sa Sugbo, kinatibuk-ang P419,731,500 ang gitagana alang sa 113,283 ka households nga mga benepisyaryo nga gisugdan og hatag niadtong Nobiyembre 16 hangtod sa 29.

Sa Negros Oriental, P171,676,700 ang pundo alang sa 48,764 ka mga benepisyaryo nga gisugdan og apud-apod niadtong Nobiyembre 16 hangtod sa 29. Samtang Nobiyembre 21 hangtod sa 29 ang skedyul alang sa 19,177 ka households beneficiaries sa Bohol nga may kinatibuk-ang P68,772,500 nga gahin. SCG

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph