NABUTANG sa top 8 ang garbo sa Davao City nga si Christopher Lawrence Bong Go sa bag-uhay nga gipagawas nga comprehensive nationwide survey nga gihimo sa DZRH, ang flagship station sa Manila Broadcasting Company (MBC), alang sa umaabot nga 2019 senatorial race.
Subay sa datus sa kompanya, ang boto natigum pinaagi sa face-to-face interviews nga gihimo Nobyembre 17, 2018 uban sa 7,450 respondents usa ka sample nga statistically representative sa voters sa Metro Manila ug 73 provinces nationwide uban sa error-margin nga +/- 1.14 percent.
Si Go uban sa platform nga Malasakit nga nagtumong sa paghimo sa gobyerno nga dalion ang pagtabang sa nanginahanglang kabus.
Mokabat na sa 17 ka mga Malasakit Centers sa Pilipinas diin nahimong instrumento niini si Go.
Usa ka one-stop shop program ni Pangulong Rodrigo Duterte aron mapadali ang paghatud sa serbisyo sa hisgutanang medical services ug paghatag og libre nga medisina alang sa mga pasyente nga kabus ug pagtagad sa mga senior citizens ug mga persons with disabilities (PWDs).