WAY singot nga nausik ang Cebu Movers sa ilang paglangkat og laing daog human na-forfeit ang Legends sa ilang duwa sa nagpadayon nga Game On 3rd Warriors Cup nga mitapon niadtong Dominggo sa barangay Guadalupe gym, dakbayan sa Sugbo.
Samtang nalabni sa Cebubai.com ang ikaduhang puwesto pinaagi sa paglubong sa Dranix/Del Monte, 85-48.
Sa laing duwa, nagmadaugon usab ang Carmen Memorial Park batok sa mas batan-on nga Gladiators, 75-49.
Nagpa-abot na lang karon ang Cebu Movers (5-0) kung kinsay ilang ikasangka sa semifinals nga mahibaw-an karong Dominggo atol sa playoffs.
Nasakmit sa Cebubai.com ang ikaduhang pwesto pinaa sa quotient human sila malambigit sa triple tie tali sa Carmen Memorial ug Del Monte.
Puntos matag usa:
Cebubai.com (85) - Rosialda 15, Antoyan 14, Mandawe 7, Dela Fuente 6, Espinosa 6, Padillo 6, Lapirap 5, Unilongo 4, Simon 4, Ganon 3, Ronnel 3, Limquiako 2, Hilongos 2. Del Monte (48) - Bilandal 18, P. Aguirre 9, Tudtud 5, RJ Regalado 5, Plenos 4, Albano 4, Sabang 4.
Carmen Memorial Park (75)-Tarranza 16, C. Onglao 10, Baguio 9, Mendoza 8, Tiempo 8, P. Bender 6, R. Bender 4, N. Onglao 4, Jayme 2. Gladiators (49) - Liam 14, Du 10, Cuevas 9, Millan 7, Bacalso 6, Cabatuan 3, Trinidad 2. PR