SECTIONS
Sunday, September 22, 2019
SUPERBALITA DAVAO

Lokal Kasikas: Pasko Fiesta 2018 bukas na!

Hulagway City Goverment of Davao

USA ka mabulukon, hugyaw ug makalingaw nga pagbukas sa Pasko Fiesta 2018 ang nasaksihan sa mga Dabawenyo, Biyernes, Nobyembre 23, luyo sa pagbunok sa ulan.

Apan bisan sa daut nga panahon, wa kini makapugong sa kalingaw ug hudyaka sa mga misaksi sa programa sa Rizal Park, ilabi na dihang gipasiga na ang Christmas tree, mga dekorasyon ug ang pasundayag nga 3D projection mapping component atubangan sa gambalay sa City Hall of Davao.

“This year, we tried something new. Nagbuhat ta og City Hall Christmas light and music show and naa syay 3D mapping component," pahayag ni Davao City Mayor Inday Sara Duterte-Carpio una pa man sugdi ang pormal nga pagbukas sa selebrasyon.

Panahon sa buntag o hayag pa, di kaayo madan-ag ang mga christmas decors, apan pag-abot sa kagabhion, makahingangha ang kaanindot sa nagsayaw-sayaw nga 3d mapping show, nga makita sa gawas sa city hall.

Kinsa mang buot mosaksi sa 3D mapping show, sa Facebook post ni City Tourism Operations Office (CTOO) head Generose Tecson nga may oras kini.

Suma pa sugdan kini 6:30p.m. ngadto 10 p.m. nga may 30 minutos nga intervals.

Bida sab ang higanteng Christmass tree nga anaa giplastar atubangan sa monumento ni Jose Rizal.

Suma pa nga usa sa mihimo niini ang grupo ni Eric B. Quiwa nga usa sa maayong tiggama og parol sa Pampanga.

Human sa opening sa Pasko Fiesta, lauman pa ang mas daghang kalihukan hangtud sa mahuman ang Disyembre 2018.

Mas mihatag sab og kolor sa opening ceremony ang presensiya sa mga stars sama nila Eric Santos, The Voice Teen Big Winner Jona Soguite ug ang inila sa kalibutan, Philippine Philharmonic Orchestra.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph