SA NAKALABAY nga bulan, 40 ngadto 50 ka dance crews gikan sa nagkadaiyang parte sa kalibutan ang nagtigi sa World Supremacy Battleground championship sa Black Town Workers, sa Australia.
Ilawom sa Monster Crew Division, 12 ka grupo ang misalmot, apil na ang EMNT, usa ka Davao-based dance crew nga nagbansiwag sa Mindanao.
Dunay grupo gikan Luzon ug Visayas.
Tsika pa ni EMNT founder Samuel Garte III, nagsugod sila sa pakig-compete gawas sa Davao City niadtong 2017.
Niya, nakig-showdown na sila sa dance floor sa mga dance groups gikan Cotabato, Bukidnon, South Cotabato, M’lang, Kabakan, ug Koronadal.
Sagad niini sila mihari sa pagilingan.
Atol sa preliminaries sa Monster Crew Division, midaug sila as 2nd place, diin atol sa finals nakuha gihapon nila ang maong pwesto.
Gipildi nila ang mga dance crews gikan New Zealand, Canada, Australia, Singapore, and Thailand.
“During the Final round, we really felt the struggle financially. About 80% of our expenses came from our own pockets including plane tickets, 20% came from sponsors. We also had costumes of course. I chose our costume design depending on how the colors look good together. The simpler the better,” ni Garte.
Ang EMNT nagsugod isip gamay nga dance group sa LGBT members nga mga iskolar sa University of the Philippines niadtong 2015.
Sila ang mga manayaway nga eksperto sa “femme dance moves” apan maayo sab sila sa hiphop steps.
“It was the peak of LGBT dancers but the dance is jazz. I thought I’d change the game. That’s the time people discovered that gay dancers can also do hip-hop and not just the guys,” dugang niya.
Karon, gipalapad sa EMNT ang ilang grupo, diin sila naga-perform uban ang 47 ka miyembro nga nag-edad 15-25 anyos, sagad kanila mga estudyante.
Sukad Pebrero ning tuig, si Garte nagkanayon nga naga-recruit na sila og non-LGBT members sa tim.
“I trusted my team, their will and their passion,” panapos ni Garte.
Ning bag-o lang midaug ang grupo sa 13th Cotabato Dance Festival.