HUMAN nikulit og P1 billion (worldwide gross) as of October 12 ang “The Hows of Us” nilang Kathryn Bernardo ug Daniel Padilla isip Philippines all-time box office hit, sunodsunod ang mga pelikulang tagalog ang gilangaw karon sa takilya as in flop.
Una, katong “All Souls Night” ni Andi Eigenmann nga usa ra ka adlaw sa SM Cinema.
Gisundan sa “Kung Paano Siya Nawala” nilang Rhian Ramos ug JM de Guzman nga duha ra ka adlaw.
Ikatulo, ang “Through Night and Day” nilang Paulo Contis ug Alessandra de Rossi nga upat ra sad ka gabii.
Samtang ang “Hintayan ng Langit” ni Eddie Garcia ug “Recipe for Love” nilang Cora Waddell ug Christian Babbles nga dunay playdate nga Nov. 21 ang wa ko kita nga gipasalida sa Cebu.
Tungod tingali kay daan nang hinay sa Manila maong wa na lang gipasalida dinhi?
Three words...
Ang “Three Words to Forever” nilang Sharon Cuneta ug Richard Gomez ang katapusang pinoy movie sa Nobyembre ang manimpad kay showing na ni ugmang adlawa, Miyerkules Nov. 28.
I’m sure mokita ni kay lig-on man og casting plus naa pa si Kathryn Bernardo.
Sa usa ka pelikula gud importante kaayo kon kinsay mga bida. Dapat sad maka-konek ang masa.
Si Sharon ug Richard uyab man sa una so daghang maka-relate. Swak ang estorya sa panlasa sa kinabag-an.
Bisan katong “First Love” ni Aga Muhlach ug Bea Alonzo pag-October wa sad to mokita.
Pero kon si Aga ug Lea Salonga pa to’y giparis or Bea and John Lloyd, siguradong mokita kay mas relatable man. Ingon ana ka importante ang casting.
Catriona Gray
Oh, kahibawo diay mokanta ang atong pambato sa Miss Universe nga si Catriona Gray.
Nakakita ko niya sa ASAP niadtong Dominggo nga nikanta og medley sa classic jazz. In fairness, nindot siyag tingog. Kon sa `I can see your voice’ pa.. “Singer!”
Ang akong fearless forecast makasud si Catriona sa Magic 5 sa Miss Universe 2018 nga ipahigayon sa Bangkok, Thailand sa Dec. 17.
Ang ako lang nabantayan ni Catriona kay mohiwi ang iyang baba basta mo-estorya siya.
Pero kon si Imee Marcos pa: “Carry yan!”
PBB Otso
Sa una naungo kaayo ko aning Pinoy Big Brother pero karon maorag wa na may lami.
Puol na tan-awon ang ilang mga task. Ang mga pasabog ni Kuya di na bag-o. Kadaghan na ta kakita ana sa nangaging PBB.
Ang ila sad mga housemate sa PBB Otso maorag mga copycat na lang. Naay maorag si Maymay ug Melai.
Naay maorag si Kim Chiu ug Gerald Anderson. Predictable na mao tingaling dili na siya exciting.