SUPERBALITA CEBU

Mongaya: Maguindanao Massacre

SIYAM na ka tuig ang milabay sukad nahitabo ang linuog nga pagpatay sa 58 ka tawo, lakip kanila ang 32 ka mga sakop sa media didto sa lungsod sa Ampatuan, Maguindanao didto sa Mindanao.

Tuyo unta sa 58 mao ang pagsang-at sa certificate of candidacy alang sa pagdagan ni Esmael “Toto” Mangudadato sa pagka gobernador sa Maguindanao kaniadtong Nobiyembre 23, 2009. Ang grupo gipangulohan sa asawa ni Toto Mangudadato.

Kini si Toto, nga mao na ang gobernador karon, igsuon ni Kongresista Dong Mangudadato nga modagan alang sa pagka senador karong Mayo 2019.

Niadtong higayona sa 2009, giatbangan ni Mangudadato si Dato Unsay Ampatuan nga anak ni Gob. Andal Ampatuan Sr.

Dihang naaabot sila sa lungsod sa Ampatuan nga maagian padulong sa Sharif Aguak, giatangan ang grupo nilang Mangudadato ug gipangbanhigan sa 100 ka mga armadong tawo.

Lima sa babaye nga mga biktima, upat kanila mga tigbalita, gilugos sa wala pa patya. Halos tanang mga babaye gipusil sa ilang kinatawo ug gipunggotan sa ulo. Ang kamanghuran nga babaye ni Mangudadato ug tiya mabdos niadtong higayona.

Usa ka excavator nga nakit-an duol sa dapit nasayrang maoy gigamit alang sa pagkawot sa gilubngan sa grupo duha ka adlaw sa maong hitabo lakip ang ilang mga sakyanan. Ang maong excavator dunay dakong sulat sa ngalan ni Maguindanao Gov. Andal Ampatuan Sr.

Nailhan nato kini karon nga Maguindanao Massacre. Hangtod karon, wala pay hustisya ang mga biktima.

Matod ni Presidential Communications Secretary Martin Andanar, ang pamilyang Mangudadato nakaadto dayon sa lugar sa massacre niadtong tungora tungod sa usa ka helicopter nga gipagamit ni Davao Mayor Rodrigo Duterte.

Giingon nga dihang naabot ang helicopter sa dapit sa nahitaboan, wala pa mahuman sa paglubong ang mga tawo ni Ampatuan ug naglumba kinig panagan.

Nidugang si Andanar nga gipaabot nga duna nay resolusyon ang maong kaso karong 2019.

Hinaut gyud nga maresolba na kini dayon ug di na mapareho sa kaso batok kang kanhi first lady ug karon kongresista Imelda Marcos.

Lalim bay niabot og 27 ka tuig usa pa nakombikto tungod sa ilang pag-abli og mga Swiss Bank account diin didto nila sa iyang bana nga ang diktador Ferdinand Marcos gitago ang ilang binilyon nga kinawat.

Unya, nagplano pa kini nga iisa ang kaso ngadto sa Korte Suprema.

Nalipay na lang ko nga dunay resolusyon ang maong kaso karong panahon ni Presidente Duterte. Bisan pa og kaalyado siya sa mga Marcos, iyang gipasagdan nga motuyok ang ligid sa hustisya. Bisan og grabi ka hinay, nakumbikto gyud tuo ang Imelda.

(@anol_cebu sa Twitter)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph