SUPERBALITA DAVAO

DCPO: Dili Maute Group, kun di mga NPA-Sparu

PAKYAS ang kapulisan nga madakpan ang mga sakop sa New People's Army-Special Partisan Unit (NPA-Sparu), apan malampuson ang otoridad dihang nakumpiska ang daghang mga armas sa nahisgutan.

Dihang namatikdan sa otoridad nga naa ang mga nahisgutan sa Victorio Beach Resort, sa Purok 10, Talomo Cemento, Brgy. Talomo, Davao City daling mihimo og operasyon ang otoridad sa pagpanguna sa Davao City Police Office (DCPO) ug sa Task Force Davao ug sa 3rd Infantry Battalion, Philippine Army.

Atol sa pagsilbi sa Warrant of Arrest sa otoridad, nagkasinukliay ang NPA-Sparu ug kapulisan ingon man ang TF-Davao hinungdan nga daling miiskapo ang mga NPA padung sa wa matino nga direksyon.

Giingon sa kapulisan nga sakop ni Alyas Jeffrey, commander sa Pulang Bagani Command 1 (PBC1) sa NPA ang naka-engkuwentro sa otoridad.

Sa paghiling sa Scene of the Crime Operatives (Soco) nakaplagan ang daghang mga tag-as nga armas, mga buhing bala, mga improvised explosive device (IEDs), ug mga selpon.

"Pinauwi lang yung mga bata na malapit na school, where the operation took place, para safe," sulti ni DCPO spokesperson Senior Inspector Ma. Theresita Plaza-Gaspan.

Gipaklaro sab sa opisyal nga di tinuod nga dunay Maute Group nga nakasulod sa Davao City, apan mga NPA ang nakapinusilay sa otoridad subay sa migula nga impormasyon sa social media nga Maute ang mga nahisgutan.

Sa kasamtangan anaa sa full alert ang status sa seguridad sa Davao City nunot sa pagsaulog sa Pasko Fiesta. (Jeepy P. Compio/Richy F. Nalagon)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph