KINSA nang friend request?
Dili kay daghan og mo add nimo, friendly nako, wa ka mahibaw sa tinuod nga tumong ana nila. Hilabi na karon nga daghan na ang nanag-iya og social media accounts, bag-o mo-accept, kaila ba ka sa ni add?
1. Ang mga cyber criminals sagad mohimo og fake nga profiles aron amigohon ka.
2. Pagbinantayon ug ayaw dayon i-accept
3. Ayaw salig bisan kinsa sa imong Facebook friends, gawas kon kaila kini nimo sa personal
Pag-asyum nga anaa’y gustong kuhaon ang cyber criminals nimo!
Dili kinahanglan nga sikat ka, o daghan ang imong kwarta sa bangko bag-o ka mabiktima sa cybercrime. Daghan sa mga cyber-criminals moatake nga automated diin makompromiso nila imong systema. Kon makompromiso na gani kini nila mao kini ilang paagi nga masudlan ka og malware, spam, o kaha service attack.
I-secure permi ang imong computer ug smart phones:
1. Gamit og lisod nga password ug ayaw kini i-share ni bisan kinsa
2.I-update imong operating system
3. Gamit og anti-virus ug i-update kini permi
4. Gamit usab og file encryption
5. I-activate imong firewall
6. Kinahanglan nga aduna kay backup hilabi na sa importante ug sensitibo nimo nga mga files
Unsa ka importante ang Data Encryptions?
Ang Encryption makatabang kini aron ma-secure ang mga sensitibo nga impormasyon nimo gikan sa cyber criminals o sa online threats diin maglisod sila og access niini. Usa ni sa labing maayo nga proteksyon alang sa tanang digital assets.
Ania ang mga libre nga Encryption Software nga pwede nimo magamit:
1. BitLocker
2. VeraCrypt
3. FileVault 2
4. AxCrypt
Pharming
Ang Pharming usa sa pamaagi sa online fraud diin pareho ra usab kini sa phishing diin ang pharmers mogamit kini og bogus nga websites aron makawat imong confidential nga impormasyon. Apan lahi sa phishing nga danihon pa ang user nga mo-click og link, ang pharming i-re-direct ang mga biktima sa bogus site bisan paman og sako nga web address ang gi-type niini. Sagad sa biktima niini anaa sa mga transaksyon sa bangko o e-commerce nga sites.
Unsaon paglikay ani:
1. Gamit og kasaligan o legit nga Internet Service Provider (ISP). Kinahanglan nga ang seguridad sa ISP mao ang labing una nga line of defense nimo.
2. I-check ang http address. Kon mapunta ka sa page diin nanginahanglan kini nga mo-enter sa imong personal nga impormasyon, kinahanglan nga mausab ang “http” sa “https”. Ang s nagpasabot nga “secure”.
3. Pangita og padlock o yawi sa kilid nga bahin sa imong URL tab. Ang padlock o yawi nga sign nagpasabot nga secure, encrypted imong connetion, kon naka unlock usab kini nagpasabot nga dili kini safe o unsecured nga connection. PNP Anti-Cybercrime Group