ANG Davao Central College of Toril mibitbit og siyam ka bulan, 12 ka plata ug tulo ka bronse sa 3rd Cong. Pantaleon D. Alvarez Visayas and Mindanao Karatedo Championship nga gihimo sa NCCC Mall Tagum, Nobyembre 17-18.
Si Neil Algarme miangkon og bulawan sa men's +70 kgs kontra Clark Robles.
Si Gabriel Thamas Cornelio naka-bulawan sa Intermediate Kata 10-11 years old, naka-silver sa Advance Kata 10-11 yrs. old ug Silver sa 10-11 years old boys kumite.
Si Krn Auman naka-gold sa Men's -55 kgs. Kumite, silver sa men's +65 kgs kumite, silver sa Team kata ug bronse sa senior men's kata.
Si Nestor Moreno sab naka-silver sa men's team kata, silver sa Boys 14-15 yrs.old kumite, bronse sa intermediate kata boys 14-15 yrs.old.
Si Ericka Lumain nakabulawan sa Novice Kata girls 14-15 years old ug laing bulawan sa girls 14-15 years old kumite.
Si Loislaine Mayoral sab mikarate og bulawan sa Novice Kata girls 11-12 years old ug laing silver sa Girls Kumite 11-12 years old.
Si Thea Dela Pena naka-gold sab sa Team Kata girls ug bronse sa Intermediate girls 16-17 years old.
Samtang si Blessing Gohetia nakabulawan sa Team Kata girls, laing gold sa advance kata girls 16-17 years old ug silver sa Girls Kumite 16-17 years old.
Si Idel Flores, naka-gold sa Team Kata girls, silver sa Novice girls 14-15 years old, silver sab sa women's novice kata, ug laing silver sa Girls Kumite 14-15 years old.
Ang kampanya sa atleta nagmalampuson inubanan sa tabang sa ilang coaches nga sila Idel Grace ug Maridel Flores lakip na Renshie Edilberto Flores.