Paglugway sa martial law giuyonan

GIKUMPIRMA karon sa duha ka mga department heads sa gobyerno nga irekomenda nila ang extension sa martial law sa Mindanao.

Atol sa press conference sa Linmar Hotel niadtong Lunes, Nobyembre 26, gibutyag ni Department of Interior and Local Government (DILG) Secretary Eduardo Año nga kung siya ang pangutan-on, gusto niya nga lugwayan ang implementasyon sa martial law sa Mindanao.

Usa mga rason nga nakita sa opisyal ang pagkunhod sa kriminalidad sa Mindanao ngadto sa 37 porsyento nga miresulta sa malinawon nga Mindanao, karon.

"Malaki ang ibinaba ng crime rate sa Mindanao, at malaki ang pagbabago ngayon," sulti ni Año.

Di lamang ang pag-ubos sa kriminalidad ang nakitang epekto sa martial law apan apil na ang pag-ayo sa ekonomiya sa pipila ka lugar sa Mindanao gumikan sa malinawon nga sitwasyon.

Gipasegarbo sab ni National Security Adviser Secretary Hermogenes Esperon nga sukad nagsugod ang implementasyon sa martial law, wala siya'y nadungog nga reklamo, gumikan sa maayong pagdala ug sa pagpatuman sa balaud niini.

"Diba wala tayong narinig na reklamo?" pahayag ni Esperon.

Ang suporta sa halos tanang local government unit sa Mindanao ang mas nakaaghat kang Año ug Lorenzana nga suportahan ang pagpalugway sa Martial law sa isla sa Mindanao. (Richy F. Nalagon)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph