NAGKANAYON si UFC lightweight champion Khabib Nurmagomedov nga ang posible nilang panag-away ni Floyd Mayweather Jr. mas makapaikag kumpara away ni Conor McGregor batok sa American boxing superstar.
“Our fight will be twice as interesting. Two unbeaten fighters, it will be interesting to see which one falls or takes a step back,” matod Nurmagomedov sa press conference sa Moscow alang sa paglusad sa iyang autobiography.
Ang Russian mixed martial arts (MMA) star mihagit kang Mayweather niadtong Oktubre apan gitataw ni UFC president Dana White nga mahitabo lang ang away kon balaod sa MMA ang ipatuman.
Ang away nila ni Mayweather ug McGregor misubay sa lagda sa boksing ug wala gikahibulong nga gidominar kini ni Mayweather.
Gikan sa pagsugod, tatawng wala'y ikasukol si McGregor hangtod nga na-TKO kini sa 10th round.
Wala pa mohatag og komentaryo ang kampo ni Mayweather kon andam ba kining makigbatok kang Nurmagomedov sa octagon. AFP