NAGMADAUGON ang GJaps Pirates and DC Construction atol sa Uraya Fortys Ballers Club (UFBC) Christmas League 2018 nga gihimo sa Elenita Heights court sa Barangay Catalunan Grande Davao City ning semanaha.
Ang GJaps Pirates milabang batok Brayden James Fitness Gym, 68-55, luyo sa daghang shot ni Japs Sabio ug Jeff Senon, kinsa misagol sa ilang 34 points aron maangkon ang kadaugan.
Ang prolific shooting guard nga si Sabio maoy nanguna sa 19 points samtang si Senon mikuhag 15 points diin ang Pirates miadto na sa 3-1 slate.
Sila Jason Ladroma ug Lino Camino mikuha'g tag 18 points alang sa 1-3 Brayden James Fitness Gym.
Sa laing bahin, si Jupith Cuadrasal ug Jason Laguesma mihatag og much-needed firepower nga maoy hinungdan nga gidemolis sa DC Construction ang Charming Forever 69-18.
Si Cuadrasal miangkon og 18 points samtang si Laguesma mihatag og 15 points alang sa DC Construction nga maoy hinungdan sa paglambo sa 3-1 record.
Ang Charming Forever nga nag-antus sa ilang ikatulo nga sunod-sunod nga kapildihan mikuha lamang og 1-3 sa serbisyo ni Daniel Villanueva ug Glenn De Guzman kinsa nakahimo og siyam ug unom ka mga shot.
Mobalik sa Dominggo, Disyembre 2 sa samang venue ang maong duwa.