SUPERBALITA DAVAO

Delos Reyes: Kalambigit sa kalamboan

Yanong Pagsabot

MGA kritiko ni Pangulong Rodrigo Duterte wa mahimuot sa iyang pagpakigduot sa gobyerno sa China kay hangtud karon nagpabilin ang ilang pagka-negatibo ug dili pagpakig-alayon alang sa mga programa sa kalamboan.

Human gilagdaan ang 29 ka mga kasabutan sa gobyerno sa China pinangunahan ni President Xi Jinping ug Pangulong Digong nga naghatag paglaum sa mga Pinoy nga makatagamtam sa kaharuhay sa kinabuhi, ang mga kritiko nagkanayon nga misulod sa peligruso nga pagpakigsabot kay mamahimong ulipon sa China ang atong nasud nga sila na ang magbuot.

Gisurender na kuno ni Digong ang soberiniya sa nasud labi na ang West Philippine Sea.

Dili nato masabtan unsa gayud ang tumong ining mga tawhana nga magsige lang pagpanaway sa mga lakang sa gobyerno.

Ang uban kanila kanunay magbitbit og plakard nga itoy kuno si Digong sa US. Ilang ginabatikos nga ginadiktahan kuno sa America ang atong gobyerno.

Karon nga didto nakig-amigo ang Presidente sa China, supak na pod sila. Kinsa diay ang makatambayayong sa atong gobyerno alang sa kalampusan ug kalamboan?

Sa akong yano nga pagsabot, gigamit lang ni Presidente Digong ang iyang utok sa husto nga pamaagi alang sa kalamboan sa atong nasud.

Ang iyang pakighigala sa nasud China dili aron mahimo kitang kaaway sa America.

Kon duna may nasud nga nagmalambuon sa ilang ekonomiya karong panahona mao kana ang China, busa kon kita makighigala alang sa kalamboan sa ekonomiya, husto ang mga lakang sa atong pangulo.

Dagko ug gagmay nga negusyo naa ang China nagapatigayon gikan sa kinagamyang dagom hangtud sa dinagko nga barko, train ug uban pa.

Tungod sa paglambo sa China, nakautang man gani ang America sa gobyerno sa China!

Kon silay makautang okey ra diay, samtang kon kita ang makautang dili na maayo? Wow, pag-sure mo diha!

Atong kaalyado karon ang China sa natad sa negusyo. Ang ilang kuwarta puwede na gamiton diri sa atong nasud ug ang atong kuwarta magamit na sab didto sa ilang dapit.

Sa mga proyekto sa gobyerno nga pundohan og kuwarta sa China, dili man seguro dautan kay dili ikalimod nga kulang ang atong kaugalingon nga kuwarta aron tukuron ang mga proyekto.

Gusto sa mga kritiko nga ipahibalo kuno sa katawhan unsay sulod sa kasabutan. Ngano man diay naa moy ikatampo? Pila ka katuigan nga ang inyong mga lider maoy nagpadagan sa gobyerno apan walay nahimo, wala moy gikatampo.

Karon nga dunay gikan sa Mindanao nga naghatag og paglaum nga mahaw-as ang nasud sa kalisud, daghan mo'g yawyaw.

Ang gas exploration nga himuon sa West Philippine Sea moingon ko nga dehado kitang mga Pinoy? Pila ka dekada na nga gihugon-hugon nga naa tay oil deposit sa kadagatan pero walay gibuhat ang gobyerno.

Karon nga pasugdan ang exploration, dehado na dayon ang Pinoy?


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph