GIISIP nga ang labing dako nga tabo sa hayopan sa nasod anaa sa Mantalongon sa lungsod sa Barili, Cebu.
Bisan ang mga taga Luzon, modayo sa Mantalongon, aron mangompra og livestock.
Usa ka oras ang gilay-on sa Mantalongon gikan sa Cebu City kung mobiyahe ka og sayo sa buntag kay sutoy ra man ang biyahe kay way trapik.
Miyerkules palang sa gabii, dagsa na ang kahayopan ug ang mga mamaligya ug ang mamamalit aron mangandam alang sa tabo sa Huwebes sa buntag.
Matod ni Barili Mayor Jeremias Aguilar, maisip na nila nga usa sa labing dako nga tabo sa hayopan ang anaa sa Mantalongon.
Kini tungod kay dili usa lang ka hayop ang patigayon apan sagad sa karne nga mapalit sa merkado.
Manok, kanding, baboy, baka, kabaw -- mapalit kini sa Tabo sa Mantalongon.