UPAT ka mga sinaligan sa Barangay Ginebra nga sila si LA Tenorio, Greg Slaughter, Japeth Aguilar ug Scottie Pippen ang makig-uban ni June Mar Fajardo sa 12 nga molangkob sa Team Pilipinas nga makigsangka sa Kazakhstan karong gabii alang sa fifth window sa Fiba World Cup sa Mall of Asia Arena.
Ang mokompleto sa mga batos ni coach Yeng Guiao mao sila si Alex Cabagnot ug Marcio Lassiter sa San Miguel, Gabe Norwood ug Beau Belga sa Rain or Shine , Poy Erram sa Blackwater, Matthew Wright sa Phoenix ug ang Stanley Pringle sa NorthPort kinsa gikonsiderar nga naturalized player.
Ang pagpasaka sa 5-3 standing sa Pilipinas ngadto sa third place sa Group F maoy ilang misyon. Ang top three teams sa Group E ug F ug ang beest fourth-placed team maoy madala alang sa Fiba World Cup sunod tuig sa China.
Laing grupo sa 12 ang kuhaon ni Guiao alang sa ilang pagpakigsangka sa Iran inig ka Lunes sa Mall of Asia Arena.
Ang wa madala sa unang final 12 mao sila si Paul Lee sa Magnolia, Arwind Santos sa San Miguel, Jayson Castro sa TNT, Troy Rosario sa TNT, Gilas cadet Ricci Rivero sa University of the Philippines ug Kai Sotto sa Ateneo kinsa sakop sa Ateneo.
Si Christian Standhardinger sa San Miguel ang wa usab ilakip tungod kay usa ra ka naturalized player ang gitugotan nga makaduwa samtang si Ian Sangalang sa Magnolia ang boluntaryong mi-atras tungod sa iyang injury.
Sa pagkakaron, si Guiao adunay pito ka mga players nga gikan sa San Miguel Corporation.
Ang lineup dayandayanan usab sa Twin Towers sa seven-footer nga sila si Slaughter ug sa 6-10 nga si Fajardo samtang ang panagparis nila ni Tenorio ug Cabagnot maoy modumala sa backcourt. JBM