ACT Davao Region nag-akusa pagdakop sa 74 tawo ilegal

HUMAN sa pagka-aresto sa kanhi Bayan Muna representative nga si Satur Ocampo ug Association of Concerned Teachers (ACT) representative France Castro, mga lideres sa ACT Davao Region nagtigum sa Freedom Park, Davao City Biyernes, Nobyembre 30, aron nga ikondena ang giingong ilegal nga pagdakop.

Si Leone Lemuel Paje, division representative sa ACT-Igacos, nagsulti Biyernes nga ang pagdakop way basihan ug uwahi nga gipasaka ang kaso.

“Isa sa matabang nato diri mao ang pagpanawagan nga i-release sila tungod kay ang ilang gihimo nga pag-aresto usa ka illegal arrest, walay basehan,” panawagan ni Paje.

“Unta respetuhon sa gobyerno ang katungod sa mga magtutudlo or katungod sa iyang gisakupan nga ihatag ang justice,” dugang pa niya.

Niadtong Miyerkules, Nobyembre 28, mga awtoridad nagdetiner

kang Ocampo, Castro ug kapin pa 70 ka volunteers sa Talaingod, Davao del Norte aron nga sukit-sukiton human mga bata sakay sa ilang konboy.

“Ang nahitabo sa Talaingod, adunay pagtugot sa mga ginikanan,” matud ni Paje ug nag-akusa sa mga pulis sa Talaingod nga gibali ang istorya batok kanila.

“Dili namo masabatan nga nganong ang ingon ani nga mga buluhaton, mahimo man nga babag ang nasyonal nga gobyerno sa pagkab-ot sa edukasyon sa mga kaigsuonan natong lumad,” dugang pangutana ni Paje.

Samtang si ACT Davao chapter president Reynaldo Pardillo nagbutyag nga una ang pagdakop, dunay “fact-finding” ug “solidarity mission” nga gihimo ang National Solidarity and Fact-Finding Mission (NSFFM) sa Talaingod aron sayron pa ang bahin sa pagsira sa pipila ka mga tulunghaan sa maong lugar ug pagpanghatag og relief goods.

Ang gidetinar nga mga indibiduwal nagkinahanglan og P1.5 milyon alang sa piyansa aron nga mabuhian ang 19 ka magtutudlo ug mga volunteers. (LHC)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph