CPCC sa CdeO labing aktibo sa Northern Mindanao

GIDAYEG ug nagpasalamat si Mayor Oscar Moreno human gibutyag sa Department of Trade and Industry (DTI) nga ang City Price Coordinating Council (CPCC) sa dakbayan sa Cagayan de Oro ang labing aktibo sa tibuok Northern Mindanao.

Matud ni Moreno nga kini gumikan na usab sa kaaktibo nila ni Atty. Edgardo “Egay” Uy ug tungod sa panaghiusa.

“Of course sa ila ni Atty Egay Uy and that’s because the teamwork and harmony , teamwork, and harmony is not limited to the politicians, team work and harmony should also be observed by the bureaucracy and even those outside of government, importante kaayo ang teamwork and harmony,” matud ni Moreno.

Una na nga gibutyag ni Atty. Fel Brillantes sa DTI nga aktibo kaayo ang CPCC ug dako kaayo kini nga tabang sa ilang buhatan ilabi na sa pagkunhod sa mga namaligya nga nakalapas sa balaod sa pagpatuman sa Imported Commodity Clearance.

“Ang pinaka aktibo ang Cagayan de Oro City local price coordinating council. Dako man gud kaayo og tabang ang council, kani pud sa Iligan even sa Misamis Occidental. Ang uban active gihapon sila, gakakita lang gyud ang effort sa Cagayan de Oro kay sila man gud ang makita sa public,” matud ni Brillantes.

Padayon ang CPCC pagpang-inspeksiyon sa mga patigayon ilabi na sa mga gapamaligya og Christmas lights. (KCS)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph