SUPERBALITA DAVAO

Genoguin: Way pulos nga pakigbisog

Kontra Balanse

NAGKA-EDARAN nalang si Satur Ocampo sa pagpakigbisog sa walay pulos nga idolohiya pero wala lang gihapon ma-promote uban sa iyang kadungan sa kalihukang komunista nga toa na karon sa Netherlands nga mao si Jose Maria Sison, ug Luis Jalandoni nga nagpaharuhay.

Pero sa kasamtangan akong maingon nga bisan paman sa nahitabo nga kaharuhay sa duha niya ka kaubanan, nagpabiling si Ocampo nga nangidnap og mga kabataan para idugang sa ilang kalihukan.

Taga Luzon si Satur Ocampo, apan miabot dinhi sa Mindanao sa pagpangidnap og mga menor de edad aron ilang gamiton sa propaganda batok sa atong gobyerno, ug ang mga menor nga mga lalaki bansayon aron mahimong armadong sakop sa New People’s Army (NPA).

Nakasentro sila karon sa mga lumad kay ilang gipahimuslan ang pagka-inosente ug walay edukasyon intawon nga mga pobre sa bukid, tungod kay dili man sila maka-agni sa mga tawo nga edukado, ug kung aduna ma’y mga edukado nga ilang matintal, dili nila pwede nga pakupton og armas.

Maayo ang mga walay alamag, kay gamiton nga mahimong sundalo sa rebulosyon ug ang uban gamiton sa ilang propaganda pahigdaon sa mga highway kung adunay dakong rally batok sa atong gobyerno.

Ambot ba, og nganong wala lang gihapon sila mihunong niining wa’y pulos ug sunog na nga pagpakigbisog nga dili gyud madawat sa katawhang Pilipino, lima ka dekada na ang milabay karong Disyembre 26, 2018.

Angay na seguro nga tuldukan ni Presidente Rodrigo Duterte ang kalihukang komunista sa Pilipinas, dili sa peace talk kay walay mahitabo, kung gikinahanglan nga gamiton ang "kamay na bakal", himuon na niya, tungod kay walay mahitabo sa peace talk, nag usik-usik lang ta sa panahon ug kuwarta tungod kay minilyon na ang gigasto sa atong gobyerno niini sukad pa’s nanglabay nga presidente pero walay nahitabo.

Alang nako, unta matuldukan na gayod kini nga hisgutanan sa atong gobyerno sa labing dali nga panahon.

-oOo-

Gusto kulang pahalipayan og happy birthday si Governor Douglas “Dodo” Cagas sa probinsiya sa Davao del Sur nga nagsaulog sa iyang adlaw'ng natawhan karong adlawa Disyembre 3, sa edad nga 75. Happy birthday diha nimo Amigo!


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph