PADAYON nga naghandom si Misamis Orietal Governor Yevgeny Vincente Emano nga mapadayon ang peace talks tali gobyerno ug Communist Party of the Philippines-New People's Army-National Democratic Front of the Philippines (CPP-NPA-NDFP).
Gibutyag ni Emano nga siya hugot nga nagahangyo nga unta mapadayon ang peace talks aron magmalinawon ang pulo sa Mindanao ug wala na kining mga dili malikayan nga mga kagubot.
Nadismaya bag-ohay lang si Emano human nga nadawat ang report nga ang adviser sa NDFP nga si Jose Maria Joma Sison namahayag niaging bulan nga dili na makig peace talk tali sa gobyerno tungod kay dili interesado niini si Presidente Rodrigo Duterte.
“Mohangyo ta nga unta mobalik ang peace talks dako og problema nga di mabalik ang peace talks. Ako I will appeal to the government and CPP-NPA-NDF nga ibalik ang peace talk,” pahayag ni Bambi.
Damgo ni Emano nga maila ug ma-promote ang iyang gipaningkamotan nga turismo sa lalawigan sa Misamis Oriental ug buot gyod nga magmalinawon ang pulo sa Mindanao ug walay kabalaka ang mga turista sa pagawas sulod sa probinsya. (SVB)