MAPASALIGON si Misamis Oriental Governor Yevgeny Vincente Emano nga anaa siya kanunay nga madoulan sa mga walhong grupo kon sila nagkinahanglan.
“Naa ko inyong maduolan. Kung mapapag mo, balik kamo sa ako,” pasalig kini ni Emano ngadto sa 13 ka rebel-returnees nga nibalik na sa gobyerno.
Pahayag kini ni Emano atol sa bag-ohay lang gipahigayon nga pag-apod-apod sa kapitolyo sa financial assistance nga mobalor og P4,000 ngadto sa matag usa sa 13 ka kanhi rebelde.
Ang kalihukan katimbayayong ang Department Interior and Local Government (DILG) sa ilang programa nga E-Clip.
Sila sab ni DILG-Northern Mindanao Director Arnel Agabe, DILG-Misamis Oriental Director Marisia Naybe, ug representante sa 58th Infantry Battalion (IB) nga mao si Captain Leoden Bajado miduyog sa kasaulogan sa bag-ong kinabuhi sa maong mga rebel-returnees.
Gihangyo sab ni Emano ngadto kanila nga human nilang nakahukom nga mibalik na sa gobyerno unta dili na gyod mobalik sa walhong kalihokan didto sa bukid hilabina nga daghang oportunidad dinhi sa gobyerno kaysa magsige og dagan ug tago didto sa kabukiran.