Super Bilib: Nag-multitasking

Smile lang gihapon. Ingon sa way gihambin sa lawas si Ofelia Campugan, nagpahiyom gihapon siya. Isip inahan, kauban sa iyang bana, naninguha siyang makahuman sa pagtungha ang ilang mga anak. Iyang gihimo ang multitasking sa nagkadaiyang mga trabaho. Niini, gipasidunggan sila sa kagamhanan. (Gikan sa iyang FB account)
Smile lang gihapon. Ingon sa way gihambin sa lawas si Ofelia Campugan, nagpahiyom gihapon siya. Isip inahan, kauban sa iyang bana, naninguha siyang makahuman sa pagtungha ang ilang mga anak. Iyang gihimo ang multitasking sa nagkadaiyang mga trabaho. Niini, gipasidunggan sila sa kagamhanan. (Gikan sa iyang FB account)

BIBO, positibo, ug daw susama og wala’y gipamati ang 55-anyos nga inahan, kinsa naningkamot nga mapagradwar ang tulo ka mga anak samtang padayon usab nga nagtungha ang laing tulo.

Si Ofelia Campugan, kinsa lumad nga taga Poblacion, lungsod sa Cordova, katambayayong sa bana niini nga si Clodualdo sa pagpatungha sa ilang unom ka mga anak.

Gikan sa pagpaninda og mga pagkaon, sud-an, paghimo og recycled plastic ngadto sa buwak, ug ang pagka-heritage ug tourism officer sa ilang barangay, si Fel na ang usa sa mga ehemplo sa inahan nga grabe ang gugma sa iyang pamilya.

Gikinahanglan niyang mag multi tasking aron makahuman ang iyang mga anak.

Tuig 2007 dihang nakabantay si Fel nga aduna’y niturok nga bukol sa kiliran sa iyang totoy.

Dihang iya kining gipa check sa doktor, didto kini nahibaw-an nga stage 3 breast cancer na kini.

Sa susamang tuig, gioperahan usab siya aron mawagtang ang iyahang benign nga tumor.

“Kon ending na gyud nimo, ending na gyud nimo,” matod ni Fel dihang nahinabi sa Superbalita Cebu kinsa nagpabilin nga positibo sa kinabuhi.

Matod niya nga wala siya’y gipamati sa lawas bisan kon anaa na sa stage 4A ang iyahang breast cancer.

High school graduate si Fel ug siya mao ang ikalima sa 10 nila ka mga managsuon.

Bisan pa man sa iyang kahimtang, naningkamot siya ug dihang nagpangedaron siya og 32, naminyo siya kang Clodualdo.

Karon nga unom ang ilang anak, ang prayoridad nila mao ang mahatagan sa igong edukasyon ang ilang mga anak.

Usa ang pamilyang Campugan nga benepisyaryo sa Pantawid Pamilyang Pilipino Program (4Ps) sa Depatment of Social Welfare and Development (DSWD) 7.

Sila usab ang usa sa mga representante sa DSWD 7 alang sa 2018 Huwarang Pantawid Pamilya National Search diin nahimo silang 2nd runner up.

Damgo

Matod ni Fel nga ang damgo ug gusto niya alang sa iyang pamilya hilabi na sa iyang mga anak mao ang makahuman kini sa ilang pagtungha.

Usa usab sa gihimo niini aron makahaw-as sa kalisod pinaagi na usab sa 4Ps mao ang pagbutang sa kwarta nga madawat nila sa bangko.

Si Fel kinsa usa ka “frustrated teacher” mahiligon usab nga molingaw sa mga tawo pinaagi sa pag-deliver sa balak.

Niadto ganing hayskul pa siya, permi siyang mapasidunggan isip best in tongue twister o best in orator.

Bisan sa mga hitabo sa iyang kinabuhi, iyang gidawat ang tanan sa positibo nga pagtan-aw ug panglantaw.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph