Dear Tita Heart,
Maayong adlaw kanimo tita ug sa tanang gasubaybay sa Sun.Star SuperBalita. Tita ako si Labelle, akong problema tita kay akong uyab karon bugnaw na kaayo og tinagdan sa akoa. 4 years na among relasyon pero karon lang siya ingon ani og tagad nako. Akong pangutan-on nganong naingon ani siya dili motubag ug dili napod siya mag ingon og love ko niya.
Tita nabalaka ko kaayo kay love gyod nako siya. Daghan nasab nahitabo sa amoa ug usahay gaingon siya nako dili ba daw ko mamabdos. Usa kaha na sa rison nganong namugnaw siya nako kay dili ko mamabdos? Salamat sa imong tubag tita magpaabot ko diri sa lungsod sa Villanueva.
Labelle
Hello Labelle,
Maayong adlaw kanimo Labelle. Nagpa check-up pod unta ka kay basin duna kay problema nga dili kaanak. Apan sa ngalan unta nga uyab pamo inyong iplastar ang tanan. Gusto man kaha siya magkaanak e di iya unta kang minyoan. Dili man mahimo nga iyang sutaon daan kon makaanak ba ka o dili ug kay wala man bugnaw na dayon iyang tinagdan. Unta storyahon ka niya og tarong ug dili kay dedma dedmahon. Kana rabang magkaanak ihatag na sa Ginoo sa insakto nga panahon ug oras. Unta inyong ma-estoryahan ang tanan.
Tita Heart