SUPERBALITA CAGAYAN DE ORO

20 ka mga kandidata magtigi sa Miss Kuyamis 2019

MOABOT sa 2O ka mga kandidata ang magtigi sa gikatakdang Miss Kuyamis 2019 diin usa sa highlights sa Kuyamis Festival matag tuig.

Niadtong adlawng Lunes, Disyembre 3, dungan sa pagpakayab sa nasudnong bandila gipresentar sa Department of Tourism ang 19 ka mga kandidata gikan sa nagkadaiyang lungsod diin adunay moapas nga kandidata gikan sa tulo ka mga lungsod.

Gibutyag ni Provincial Department Head lawyer Jeffrey Saclot nga dako ang kalainan niini karon nga kalihokan kon itandi sa niagi.

Kini hilabina nga unang higayon nga mahitabo ang Miss Kuyamis sa Tagoloan Dome sa lungsod sa Tagoloan samtang sa Disyembre 29 ang swimsuit completion sa Lohas Hotel sa Laguindingan.

Ang siyudad sa Gingoog ug lungsod sa Claveria ug Kinoguitan ang wala milakip ning panahona.

Ang Gingoog gipasabot niini nga wala mipasar ang ilang Ms. Gingoog sa height requirements, samtang ang Claveria wala nakapadala daw niaging mga tuig nakapadala og kandidata samtang Kinoguitan wala bisan usa sukad sa pagsugod.

Ang mga kandidata gilangkoban nila ni Kyle Marie Inzo saAlubijid; Cejay Diane Domo sa Balingasag; Hiyasmin Caputol sa Balingoan; Mary Faith Ladra sa Binuangan; Cris Antonette Teano sa El Salvador City Jeza Christyl Relevo sa Gitagum; Ruby Myr Brito sa Initao; Zon Karla Cabeltes sa Jasaan; Mhedi Ali Mar Villaruz sa Lagonlong; Rendy Mae Castrodes sa Laguindingan; Aira Dawn Rivera sa Lugait.

Samtang lakip sab sa misalmot sila si Nina Dianne Beltran, Magsaysay; Rizalyn Bongcawel sa Manticao; Chella Grace Falconer sa Medina; Ingrid Michel Carumbana sa Naawan; Jazmine Clarino sa Opol; Nicky Daffodil Bullecer sa Salay; Chery Rose Lomopog sa Sugbongcogon; Maria Luz Victoria Delos Angeles sa Tagoloan; ug Justine Miles Abe-abe sa Villanueva.

Ang mga local nga kagamhanan giingong gamay lang ang gastuon niini labina ang kapitolyo maoy mogasto sa uban galastuhon.

Dili bout touhan ni Saclot nga ang hinungdan wala pagsalmot sa pipila kining dili kaalyado sa pulitika tungod kay daghan sab sa lungsod misalmot ug wala naglantaw niini.

“I’ve been discussing this all the time with the tourism officer that despite the political differences we have to be united because the purpose of tourism is to promote our own places dili pwede mosagol ang political nga kalihokan ani.” Pasabot ni Saclot.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph