GIBALHOG sa prisuhan ang usa ka babaye ug lalaki nga nangawat sa managlahing lungsod sa Misamis Oriental.
Gisikop sa Manticao Police Station mao si Juliezar Ambagay, 42, minyo, residente sa susamang dapit.
Kini human nga misulod sa panimalay nilang Joan Lomungo ug gikuha sa suspek ang pitaka nga adunay sulod nga dakong kantidad.
Nadakpan kini sa kapolisan human na-identify sa biktima ug gitakdang pasakaan og kaso karong panahona.
Gisikop sab sa Medina Police Station si Jane Lumba, 49, taga Maanas, lungsod sa Medina Misamis Oriental.
Giingong nanghilabot gihapon kini sa iyang silingan apan rason niini tungod sab gihapon sa gihambin nga kalisod.
Ang mga dinakpan anaa na karon gikostudya sa prisuhan kinsa mag-atubang og kasong pagpangawat ug gikatakdang dalahon sa Misamis Oriental Provincial Jail (MOPJ). (SVB)