Lokal Kasikas: 107 pelikula ipasalida sa 16th Mindanao Film Fest

MISUGOD na sa pagsikad ang 16th Mindanao Film Festival, diin kini nagsilbing luna alang sa mga local filmmakers sa Mindanao nga mapakita ang ilang mga obra.

Parte niini ang pagpasalida nila sa 107 ka short films ug full-lengths, gikan Disyembre 5 hangtod 11, sa Cinema 6 Gaisano Mall of Davao.

“This shows an active movement of regional filmmaking here in Mindanao. Our films are coming from the regions of Davao, Zamboanga, Northern Mindanao, Soccsksargen,” sigun ni Dax Cañedo, Mindanao Film and Television Development Foundation Inc. (MFTDFI) president.

Ang MFDTFI nag-organisa sa tinuig nga Mindanao Film Festival, usa sa longest-running regional film festival sa nasud.

Karon nga tuig ang pag-arangkada sa MFF gisuportahan sa National Commission for the Culture and the Arts (NCCA) ug Film Development Council of the Philippines (FDCP).

Luyo sa mga Mindanao films, pipila sab ka short films gikan Indonesia, India, Nepal, Afghanistan ug Venezuala ang ipasalida.

Mga full-length films nga ipasalida sab gilangkuban sa movie ni Julienne Ilagan nga Tofarm Film Festival entry “Kauyagan,” Jewel Maranan’s documentary “Sa Palad ng Dantaong Kulang,” Richard Somes “We Will Not Die Tonight” ug “Dante the Musical” ni Patrick Seras.

Ang “Dante the Musicale” usa ka prison musical drama nga gikuhaan sa Cagayan de Oro City Jail, diin ang cast mga inmates mismo.

Ang action flick sab nga “We Will Not Die Tonight” diin bida ang Dabawenya actress nga si Erich Gonzales apil sab sa malantaw.

Luyo niini, duna say pipila ka animation shorts nga gigama sa mga student animators gikan Ateneo de Zamboanga University.

Samtang pipila sab ang hatagan og pasidungog sa film festival awards night, Disyembre 10 sa Taboan, Matina Town Square.

Mga MFF jurors mao sila film actor Mon Confiado, film director Benjie Garcia ug filmmaker Tim Rone Villanueva. (PIA-Davao Region)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph