TUNGOD sa pagpang-bully sa mga klasmeyt, usa ka bata ang nagpakamatay Miyerkules sa buntag, Disyembre 5, diha sa Barangay Pagatpat ning siyudad sa Cagayan de Oro.
Ang inahan sa 13 anyos nagtuo nga ang pagsige og pagpanungog sa iyang mga klasmeyt sa gihambin niini nga sakit sa panit maoy hinungdan sa hitabo.
“Kagahapon nag eskwela na siya di na dayon siya mobalik pagka-udto kay di na daw siya ganahan mo eskwela kay sige siyag sawayon sa iyang mga klasmeyt sa eskwelahan nga kagiron,” pahayag sa inahan sa biktima sa interbyu sa radio.
Giingong ang maong bata ang kanunay gibugalbugalan diin usahay butangan og mga basura, trapo ug sagbot ang bag niini ug kanunay ingnon nga kagiron.
Napalgan na lamang ang patay nga lawas nga nagbitay na diha sa may abuhan diin nagbitay ug nagluhod ug naay hikot sa liog.
Nasayran nga anaa sa unom ka bulan nga nag-antos ang bata sa maong kasinatian ug gipacheck-up na kini ug gipatambalan na kini sa binisaya ug gani medyo na-arang-arang na gani di na susama kaniadto nga ngil-ad tan-awon.
Sa pagkakaron ang patay nga lawas ang anaa pa sa J.R Borja General Hospital.