SUPERBALITA CEBU

Ex-traffic enforcer gipusil, patay sa drug bust sa Mandaue

MANDAUE. Usa ka kanhi traffic enforcer sa Mandaue patay human giignong nisukol sa gipahigayon nga drug bust. (Tampo nga hulagway)

KANHI traffic enforcer sa dakbayan sa Mandaue ang napusilan-patay sa kapulisan human giingong' nisukol atol sa gipahigayon nga buy-bust operation pasado alas 7 Huwebes sa gabii, December 6, sa sitio Villamanga Barangay Opao, syudad sa Mandaue.

Ang napatay kinsa maoy subject sa drug bust mao si Eduardo Baclohan, 32 anyos, molupyo sa maong dapit.

Matud ni Police Senior Inspector James Conaco, hepe sa Opao Police Station, nga nakadawat sila og taho kalabot sa pagpamaligya niini og shabu, hinungdan nga gihimo ang pipila ka semana nga surveillance ug kagabii gihimo ang buy-bust operation.

Giingon nga sa dihang' nakamatikud kini nga police ang gi-transaction, nidagan kini palayo ug dayon bunot og armas.

Ang back-up nga police nga nakabantay ang dali nga nakapusil-igo ngadto kang Baclohan.

Dali kini nga gidala sa tambalanan, apan gideklarar nga dead on arrival.

Si Baclohan ang gitaktak pagka-sakop sa Traffic Enforcement Agency of Mandaue kon Team sayo ning tuiga.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph