Dabawenyong si Rodriguez milangoy og bulawan

BRUNEI. Si Team Mindanao-Philippines' Elson Jake Rodriguez nga naka-bronse sa 10th BIMPNT-Eaga Friendship Games 2018 men's 100-meter backstroke, Huwebes sa buntag, misugakod og balik sa 50m backstroke gold pagkahapon. (Skippy Lumawag/SDD-CMO)
BRUNEI. Si Team Mindanao-Philippines' Elson Jake Rodriguez nga naka-bronse sa 10th BIMPNT-Eaga Friendship Games 2018 men's 100-meter backstroke, Huwebes sa buntag, misugakod og balik sa 50m backstroke gold pagkahapon. (Skippy Lumawag/SDD-CMO)

Brunei -- Si Elson Jake Rodriguez sa Team Mindanao-Philippines namawi gikan sa iyang bronze medal finish sa men's 100-meter backstroke, Huwebes sa buntag, ug giangkon ang men's 50m backstroke gold, pagkahapon sa swimming competition sa 10th BIMPNT-Eaga Friendship Games nga pormal nga nagbukas, Biyernes sa buntag sa Indoor Stadium sa Bandar Seri Begawan.

Si Rodriguez, nga apil sa Davao City-bannered Team Mindanao delegation, mioras og 29.37 segundos aron pildihon ang teammate Ivo Nikolai Enot (30.33) ug Nicholas Wecker (30.40) sa Northern Territory nga miangkon sa silver ug bronze sa Hassanal Bolkiah National Sports Complex.

Ang 20-anyos nga si Rodriguez, fourth year Physical Education Major sa Sports and Wellness Management student sa San Beda University, nagkanayon nga mas dasig siya sa iyang ikaduha nga paglangoy.

“Nag-expect nako nga mag-gold. Wala nako nakulbaan. Sa second heat nako sabay mga kusog. Tong sa unang event kay sa first heat ko nabutang, nadismaya ko pero win or lose tanggap man nako kay part of the game man pud na,” suma niya sa pakighinabi sa SunStar Davao.

Sa iyang kadaugan, ang Mindanao swimming team nakahakot na sa tulo ka bulawan, unom ka silver ug duha ka bronse.

Ang igsuon niyang si Fritz Jun Rodriguez ug Joshua Raphael del Rio nauna ng nakakuha og gold sa men's 50m breastroke ug 200m freestyle.

Simple nga opening

Sa Indoor Stadium, ang 10th edition sa biennial Games nagbukas nga simple diin gitambungan kini ni Brunei Minister of Culture, Youth and Sports Dato Paduka Seri Haji Aminuddin Ihsan nga mideklara sa pagbukas sa duwa uban ang pag-exchanged og tokens sa mga opisyal gikan sa lain-laing delegasyon.

Si Datin Paduka Dr. Hajah Norlila binti Dato Paduka Haji Abdul Jalil, chairman sa 10th BIMPNT-Eaga Friendship Games organizing committee, sa iyang mensahe, nagdasig sa mga partisipante nga ipakita ang tinud-anay nga kalidad sa friendship games.

“Do your best and contend in the spirit of true sportsmanship and fair play. And open the door for networking with each other.”

Si BIMPNT-Eaga Sports Council chairman Datok Jufri Rahman, sa iyang kabahin nga ang Games nagtumong nga mas mapalig-on pa ang paghinigalaay tali mga nasud.

“We are here for a good cause, to strengthen cooperation. Through this, we hope the legacy of brotherhoods between these nations will continue in the next generation.”

Si Philippine Sports Commission Commissioner Charles Raymond Maxey miuban sa mga heads of delegations sa matag nasud sa presidential stage.

Ang Mindanao ug Palawan delegates nagrepresenta sa Team Philippines atol sa parada.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph