TODAY is the day! Ang adlaw nga gipaabot sa kinse mga tunghaan nga apil sa labing dako nga inter-school dance competition sa rehiyon.
Alas singko sa hapon, magtigi ang kinse ka mga grupo alang sa labing una nga Felcris Inter-School Dance Competition diha sa Davao City Recreation Center (kanhi Almendras Gym).
Suma pa, parte kini sa kampanya sa Felcris Group of Companies nga subling mabuhi ang ilang brands, mailhan sila sa mas batan-ong henerasyon.
Agi sab nila kini og pasalamat sa suportang nadawat sa nanglabay'ng katuigan nga pagmuntar sa ilang negusyo dinhi.
“It's a different na dance competition kasi mas gusto natin makuha ang suporta sa schools they are representing. So part ng criteria is suportado sila ng school nila, which is a plus sa kanila kasi if their group wins, they will also receive a cash prize,” suma ni Stephen Yap, Felcris Supermarket vice president.
Ang finalists sa inter-school dance competition gilangkuban sa: University of Mindanao; University of Immaculate Conception; Malayan Colleges Mindanao; Philippine Womens College; Bernardo Carpio National High School; San Pedro College; Davao City National High School; Davao Doctors College; Sta. Ana National High School; Rizal Memorial Colleges; Cor Jesu College; Jose Maria College; Davao Chong Hua High School; MATS College of Technology ug AMA Computer College.
“Parang first time sab gyud sa mga event nga na-hold namo, mao ni ang may pinakako nga prize, so excited kaayo mi sa mga participating teams,” ni Troy Vergara, executive director sa DC Elite Productions, naghupot sa produksiyon sa kompetisyon.
Mga mosalmot nga grupo hukman sa Choreography (40%) diin kini gilangkuban sa Showmanship ug Creativity nga tag 10%, Synchronization ug Difficulty nga tag 5% ug Musicality nga 10%.
Apil sab nga lantawon ang Street Presence nga (25%), Staging (20%) ug School Support (15%).
Mokampeyon sa dance showdown modawat og P200,000 cash + P100,000 sa tunghaan; 2nd Place: P100,000 cash + P 50,000 sa tunghaan: 3rd Place: P50,000 cash + P 25,000 sa tunghaan; 4th Place: P20,000 cash + P10,000 sa tunghaan; 5th Place: P10,000 cash + P5,000 sa tunghaan; 6th Place: P10,000 cash + P5,000 sa tunghaan;
7th Place: P10,000 cash + P5,000 sa tunghaan; 8th Place: P10,000 cash + P5,000 sa tunghaan; 9th Place: P10,000 cash + P5,000 sa tunghaan ug ang 10th Place: P10,000 cash + P5,000 sa tunghaan.
Luyo niini may modaug sab sa special prizes nga: Shopper’s choice: 50,000 cash; Online Choice: 50,000 cash; Shopper’s Raffle: 100,000 balor sa premyo ug Online Raffle: P200,000 worth of prizes.
Sa pikas bahin, nagpartner sab ang Felcris ug GMA Regional TV sa pagpresenta sa kompetisyon.
Sa nakalabay nga Nobyembre ning tuig, giselyuhan ang kasabutan tali duha ka kampo.
Atol sa finals, special guest ang mga Kapuso stars nga sila Sef Cadayona ug Rodjun Cruz.