DAKO kaayo og kahigayonan nga matuman na ang usa sa pangandoy ni Misamis Oriental Governor Yevgeny Vincente Emano nga makatukod og high end nga sports center sa Misamis Oriental.
“I dream, I wish to hopefully before my term ends if God’s willing as governor of the province that I will be able to host a palarong pambansa, mao na akong damgo,” matud niini atol sa Media Stakeholders Forum niadtong Huwebes sa gabii, Disyembre 6, sa Country Village Hotel.
Gipahibalo niini nga bag-ohay lamang giaprobahan sa Provincial Development Council ang iyang plano nga pragmatic sports center sa lalawigan.
“We have programs that has to set up, to develop our sports facility. Maulaw kita kay ang Lanao, Bukidnon, MisOcc adunay mga sports center sa region 10 apan ang Misamis Oriental dili maka host. Nagsuway mi og bid sa regional meet palang pilde nata. Rason, kay walay swimming pool kulang og 3 metros,” dugang niini.
Gipasabot usab niini nga adunay share sa excise tax gikan sa Phillip Morris ug gamay nga share sa energy fund nga maoy gamiton sa katukoran niini.
Ang plano nga gipakita niini phase 1 pa lamang ug sagad nahimutang sa kasadpang bahin sa Misamis Oriental.
“Pragmatic sports center is a sports center that is actually not in one area. We are planning to put our own pragmatic sports center and put the facilities sulod sa central school ug high school ug ang Department of Education maoy mag manage niini.”
Giklaro sa gobernador nga dili buot niini nga ang lokal nga kagamhanan ang magdumala niini aron dili magamit sa politikanhong katuyoan.