MASADYAON ang gabii sa tanan sakop sa prensa sa usa ka gabiing panaghiusa tali sa kagamhanan sa lalawigan sa Misamis Oriental.
Tema sa kalihokan niadtong tungora mao ang LGU and Media: Partnering towards zero-defect community journalism.
Ang kalihokan gi-organisa sa Provincial Information Office ubos sa pagdumala ni provincial information head Carlo Duga-duga ug iyang Assistant nga si Nicole Managbanag.
Sa mensahe ni Duga-duga, iyang gibutyag ang importansya sa mainstream media ug social media.
Gihinaot niini nga sa kakusog sa social media unta magamit kini sa mainstream media aron mas mapaabot ang editorial content ug maoy mopaabante niini.
Mapasalamaton sab si Governor Yevgeny Vincente Emano kinsa game nga nakig-abi abi sa mga sakop sa media niadtong gabhiona.
Iyang gipaabot nga sa tanang kalamboan nga nahitabo sa Misamis Oriental anaa kanunay ang mga sakop sa prensa nga maoy nipaabot niini ug kini nga kalihokan usa sa paagi nga sila mapasalamatan.
Natapos ang kalihokan nga masadya human ubay ubay sa mga sakop sa prensa ang dili lang busog sa ilang panihapon apan busog usab sa pa premyo ug pa-raffle nga gi-andam alang kanila. (SVB)