NANGHAROS ang taga Davao Region sa bag-uhay nga migula nga 2018 Licensure Examination for Teachers (LET).
Nagsadya ang University of Southeastern Philippines-Davao ug USEP-Tagum gumikan ang Top 1 sa Elementary ug Secondary gikan sa maong tunghaan.
Sa resulta gikan Professional Regulation Commission (PRC), daghang taga rehiyon ang naapil sa top 10.
“I feel so blessed and overwhelming kaayo ang grasya na gihatag sa atoa sa Ginoo,” suma ni Rhea Joy Yebes Genson sa University of Southeastern Philippines-Davao nga nag-top 1 sa LET Elementary Education.
Kauban ni Genson sa unang pwesto si Mariel Cataluña Saladaga sa University of Southeastern Philippines-Tagum nga may 89.80 percent.
Ang Commission on Higher Education (Ched)-Davao garbo kaayo nga nasayod sa maong hitabo gumikan misunod gayod ang tanang tunghaan sa Davao Region sa ilang mga resiketos alang sa padayong paglambo sa kahibalo sa mga tinun-an. (RJC)