PATAY na nga miabot sa Southern Philippines Medical Center (SPMC) ang usa ka 25-anyos nga lalaki human kini alegasyong giatake sa kasingkasing samtang nagpahilot.
Ang insidente nahitabo Sabado sa gabii, Disyembre 8, didto sa usa ka balay sa Barangay 31-D, Davao City.
Subay sa blotter nga natala sa Sta. Ana Police Station nga samtang anaa na sa dul-an kinse minutos nga paghilot kalit suma pa nga mituskig ang 25-anyos nga si Marlon (bansagon gipatago sa pamilya).
Nakurat nalang ang manghihilot dihang mituskig ang biktima ug dali dayon niya kining gipahibalo sa kapuyo nga ila ra sab nga silingan.
Ang kapuyo niini nga si Sheila ang daling midala sa biktima sa SPMC apan pag-abot sa ospital gideklara sa mga doktor nga patay na ang biktima.
Gituohan sa kapuyo nga giatake sa kasingkasing ang biktima sanglit taas kini og blood pressure. (RFN)