SAGUNSON na ang meeting ni Direk Adolf Alix Jr. ngadto sa iyang production staff alang sa film project nga mohimo og biopic sa kinabuhi ni kanhi PNP Chief Gen. Ronald “Bato” dela Rosa.
Samtang si Robin Padilla maoy bida sa maong biopic ug modala isip Gen. Bato.
Sa dihang nahinabi si dela Rosa sa PEP.ph namahayag kini nga kon himoan og pelikula ang iyang kinabuhi buot niya nga si Robin maoy actor ug si Sharon Cuneta maoy modala sab sa papel sa iyang misis kay fan kaayo niini ang Megastar.
Gusto sa opisyal kinsa nagtinguha og posisyon sa Senado karong eleksiyon nga mo-focus ang istorya sa maong pelikula sa iyang pagkabatan-on diin ni-agi ug grabeng kalisod hangtod nga nahimong pulis.
“Mas gusto ko kasing ma-inspire ang mga tao, lalo na ang mga kabataan na kahit galing ka sa mahirap, you could be somebody,” matod pa Gen. Bato dela Rosa. (B)