Namaligya ug karne sa pawikan, sikop

CEBU. Mga pawikan gikatay para himuong larang. (Aztra Zina Geverola)
CEBU. Mga pawikan gikatay para himuong larang. (Aztra Zina Geverola)

KARNE sa endangered species nga pawikan nasakmit sa buy-bust operation sa National Bureau of Investigation, Department of Environment and Natural Resources ug sa Cebu City Prevention, Restoration, Order, Beautification, Enhancement (PROBE) sa brgy. Pasil, siyudad sa Sugbo.

Moabot sa gibana- banang 50-60 kilos ang karne sa lima ka mga pawikan nga nasakmit. Lima sab ka mga tawo ang nasikop sa operasyon.

Duha ka buwan nga gipaubos sa surveillance sa NBI Environmental Crime Division, sa DENR, ug Cebu City PROBE ang usa ka kan-anan sa F. Rallos Street, barangay Pasil, dakbayan sa Sugbo nga giingong padayon nga namaligya ug karne ingun man linarang nga pawikan.

Gani matod sa Senior Ecosystem Management Specialist sa DENR nga si Rogelio Demelletes, Jr., una na silang naka-test buy ug pawikan meat sa miaging buwan ug gipaubos kini sa DNA sequencing, diin nasuta nga 100% nga iya gyud kini sa pawikan, nga usa ka endangered species.

“After we received the DNA result, immediately in coordination with the NBI Environmental Crime Division, the LGU Cebu and DENR Regional Office, kasama po ‘iyong Biodeversity Bureau, we created a team para i-implement, hulihin, at puntahan iyong mga taong nagbebenta ng mga pawikan. ”

Matod pa, gibaligya ug tag-P200 ang matag kilo sa karne niini samtang P90 ang matag serve sa larang, nga dunay laing pangalan isip “power” tungod sa pagka-aphrodisiac niini.

Sa ilang operasyon kaganihang buntag, moabot sa 5 ka mga hiniwa-hiwa na nga pawikan nga gibana-banang moabot usab sa 50-60 kilos ang nasakmit. Gikuha sab nila ang naluto na ang pawikan larang.

Gitug-an ni Demelletes nga ang usa sa mga nasakmit nga pawikan, na-tag na sa environment bureau sa nasud sa Malaysia ug duna na kini tag nga naatiman nila kini sa maong nasud ug gibuhi-an na pagbalik ngadto sa kadagatan.

Wala swerteha kay na-ihaw siya dinhi sa Sugbo.

Lima ka mga tawo nga maoy cashier, tigluto ug tig-serve sa gironda nga kan-anan ang nasikop ug gitakdang pasakaan ug kasong kalapasan sa Wildlife Resource Protection Act.

“Nag-buy bust kami nga kanilang pawikan na hindi luto. We prepared a marked money at nung naibigay na sa amin yong pawikan at nakuha na nila ang pero, sumugod na po yong buong team,” niingon si Demelletes.

Dugang niya, common knowledge na ang pagbaligya ug pawikan meat sa Pasil ug daghan kini ug mga parokyano. Atol sa ilang operasyon, wala hinuon gi-apil sa pagdakop ang mga naabtan nilang nangaon niini.

“Masakit tanggapin na marami mga parokyano ang kumakain, dili lang ‘yong mga pribado pati na iyong nanunungkulan, kumakain diyan. Actually they can be held liable,” padayag ni Demelletes.

Matod sa agent on case gikans a NBI Environmental Crime Division nga si Atty. Habeas Corpuz, nagdumili pagtug- an ang lima ka mga dinakpan kung kinsa ang tag-iya sa kan-anan ug asa nila gikan ang pawikan meat nga ilang ibaligya.

Ang usa sa mga dinakpan, nga nagpailang cashier, miingon nga taod-taod na silang naninda ug “power” ug matod pa, i-deliver lang sa ilang tindahan ang karne sa pawikan nga maoy ilang luto- on.

Nagdumili na sila pag-komentaryo sa uban pang mga pangutana sa media. Gani nagdumili sab sila paghatag sa ilang mga pangalan, bisan gani ngadto sa mga tinugyanan sa NBI ug DENR.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph