Jail decongestion nga programa sa MisOr epektibo

GIKUMPIRMAR ni Provincial Legal Officer abogado Neil Pacana nga lakip ang City Legal Officer dinhi sa Cagayan de Oro City nakapangutana na ngadto kaniya kon unsay proseso niining maayong programa sa kapitolyo nga mao ang jail decongestion.

Kini gumikan kay bout na usab nilang mahatagan og kasulbaran ang naghinubra nga piniriso sa Lumbia City Jail.

“Ang city legal office nagsugod na kay ilang nakita effective ang gihimo then we will pattern, so kay city legal man gud kaila lang namo sa law school so mangutana sila giunsa ninyo so gihatagan pod nako sila og idea kay kana nga idea ang purpose niana kay ma jail decongest namo ang usa ka facility,” Pasabot ni Pacana.

Dugang niini nga mismong si Regional Trial Court Executive Judge Dennis Alcantar ang nagpadala sab og petisyon didto sa Korte Suprema aron mahatagan og solusyon ang nagkapi-ot nga mga prisohan dinhi sa Misamis Oriental ug Cagayan de Oro.

Ug kining programa nga jail decongestion ang nakitaan nga epektibo taliwala paman nga nagpadayon matag adlaw sa pagsulod ang mga nangadakpan sa managlahing kaso.

Mamatikdan nga kaniadto wala pa kining jail decongestion nga moabot 70 ngadto 80 lamang ka piniriso ang makagawas ug karon daw halos katunga sa ihap sa priso ang nakagawas, gawas lamang niadtong priso nga nag-atubang og mga heinous crime.

Dugang ni Pacana nga ang jail decongestion usa sa programa sa pamunoan ni Misamis Oreintal Governor Yevgeny Emano.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph