NAPILI ang Golden State Warriors isip Sportsperson of the Year sa Sports Illustration (SI).
Himuon ang nasampit nga paghatag sa pasidungog sa Los Angeles City adlaw’ng Miyerkules, Disyembre 12.
Sa ilang pamahayag, giingon ni Warriors star Stephen Curry nga usa ka garbo nga napili sila isip usa ka grupo ug organisasyon.
Bisan ang ilang mga kaubanan nakurat nga nalakip sila sa “exclusive company” sa tulo pa nga grupo nga midaug sa individual recognition gikan sa Sports Illustration (SI).
Niadto, unang nailhan ang US Men’s Olympic hockey team pag 1980, US Women’s Olympic soccer team niadtong 1999 ug Boston Red Sox niadtong 2004 sa samang pasidungog.
Gipasabot sa SI nga ang nahimong nagmalampuson nga team sa basketball mao kadtong nagpakita og panaghiusa.
Ang Golden State Warriors maoy usa sa pinakalig-on nga basketball team sa kasaysayan sa NBA ning mga panahona.