3 na ka buwan nga nangigo sa Cebu ang 'Glue gang'

Tan-awa. Mao kini si Lunalyn De Pedro, ang naaktuhang namutang og glue sa usa ka automated teller machine (ATM) sa dakbayan sa Mandaue. Duna nay nangreklamo nga nabiktima niya. (Tampo sa MCPO)
Tan-awa. Mao kini si Lunalyn De Pedro, ang naaktuhang namutang og glue sa usa ka automated teller machine (ATM) sa dakbayan sa Mandaue. Duna nay nangreklamo nga nabiktima niya. (Tampo sa MCPO)

BABAYENG gituohang sakop sa glue gang aduna nay mga warrant of arrest gikan sa mga dakbayan sa Ilo-Ilo ug Bacolod, samtang gidudahan nga sud na sa tulo ka buwan nga nihimo sa maong modus Lunalyn De Pedro dinhi sa Sugbo.

Sukad Lunes sa buntag, Disyembre 10, hangtud kagahapon sa buntag sa Martes, Disyembre 11, lima na ka nagpailang mga biktima niini ang nipatim-aw sa buhatan sa Mandaue City Police Office.

Ilang positibo nga giila si De Pedro, kinsa gitumbok nga sakop sa ‘Glue gang’, nga maoy nibiktima kanila.

Base sa nakuha nga impormasyon sa kapulisan, usa sa mga nabiktima niadto pang Septiyembre ning tuiga nahitabo, sa dakbayan sa Mandaue, diin P15,00 ang giingong nakuha ni De Pedro.

Sa mga nipatim-aw, adunay mga taga dabakayan sa Talisay, Siyudad sa Sugbo ug Dakbayan sa Lapu-Lapu, diin labing dako nga nakawat P60,000.

Matod ni Chief Inspector Mercy Villaro nga aduna na usab sila nadawat nga kopya sa upat ka warrant of arrest, gikan sa Ilo-ilo City ug Bacolod City, batok kang De Pedr, sa kalapasan sa Republic Act (RA 8484) kun Access Device Regulation Act of 1998, malicious mischief ug theft.

Sa pangangkon sa dinakpan, matod ni Villaro nga sukad nga pinangita na siya sa Rehiyon 6 nilabang kini sa Negros ug namiktima sa Dumaguete City, una nianhi sa Sugbo.

Nasuta sa MCPO nga aduna na usab kini gibiktima sa lungsod sa Minglanilla ug bisan na gani sa usa ka ATM sa may South Bus Terminal.

Kuyog

Pabiling hugot nga nangangkon si De Pedro nga siya lang ug wa siya malambigit sa grupo sa paghimo sa maong pagpangilad.

Apan sa pamahayag sa mga nireklamo batok kang De Pedro, giingong aduna kini koyug nga bayot, nga gipangita karon sa mga pulis.

Giandam na ang lima ka kaso sa kawat, kalapasan sa RA 8484 sa Cybercrime, ug malicious mischief.

Padayon pa nanawagan ang kapulisan sa pag-ila ug pagpasaka og dugang kaso batok kang De Pedro.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph