SECTIONS
Monday, June 17, 2019
SUPERBALITA DAVAO

LET secondary level topnotcher di makatuo

DIGOS CITY -- Gihangop sa mga magtutudlo ug tinun-an sa University of Mindanao Digos College (UMDC) ang naangkong dungog human sila ang nanguna sa ihap sa mga nipasa sa Licensure Examination for Teachers (LET) sa secondary level.

Gikan sa UMDC ang top 10 nga si Erjun Tugnao; Nahur Hasan, 7th place; Nessie Bersabe, 6th place; Ellen Gonato, 5th place; Melyn Joy Conomay, 2nd place ug ang number 1 topnotcher nga si Samuel Parreño, kinsa iskolar sa Department of Science and Technology (DOST).

Giangkon ni Parreño nga di siya makatuo nga siya maoy numero uno ug una niyang gihuna-huna nga namali lang ang pag-encode sa iyang ngalan.

Alang niya, bugtong pagpasar lamang sa eksaminasyon ang iyang gihandom nga mag-una sa topnotchers.

Matud ni Tessie Miralles, director sa UM Digos, nga ang proseso sa quality management ug mga mekanismo sa ilang paagi sa pagtudlo maoy dako og giya sa mga tinun-an ilabi na nga gikinahanglan nga mosulod gyud sa klase ug maminaw sa mga leksiyon.

Giangkon ni Miralles nga kini ang unang higayon nga nagagikan kanila ang daghang nipasa sa LET examination ug anaa sa Top 10.

Apan, duha ka higayon na nga nag-numero sab ang UM Digos sa Criminology examination.

Gawas sa UM Digos, gikan sab sa Cor Jesu College (CJC) ang upat nga nasulod sa Top 10.

Si Rhodel Itang, top 5; Risando Namoc Jr., top 6; Johnryl Gumaan, top 8; ug Janine Abregana nga top 10.

Ang CJC mao ang tunghaan kaniadto ni Presidente Rodrigo Duterte sa sekondarya samtang nagpuyo pa kini sa Digos. (Orlando B. Dinoy)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!