DILI lang diay ang kliyente ang biktima niining Glue gang, lakip na usab ang bangko mismo.
Gibutyag sa Cebu Bankers Club nga lakip ang bangko nga apektado niining modus tungod kay maguba kining keypad sa Automated Teller Machine (ATM) nga gibutangan og glue.
Matod sa presidente sa CBC, Neil Darwin Credo, nga parehong biktima ang kliyente ug bangko niining bag-o lang nga modus sa ATM sa Sugbo.
“Lately lang ni diri sa Cebu although naa na before ang ATM skimming. This modus will victimize the client and the bank cause it’s expensive to replace the keypads,” matod ni Credo
Dugang niya nga ila nang giabisohan ang ilang depositors lakip na ang publiko nga magbinantayon permi sa maong modus.
“They usually glued the “0” and the “cancel” keypads. So that when you enter your ATM (pin), you can’t type “0” after any number and you can’t cancel your transaction,” si Credo nagkanayon.
Kon makasinati og ingon niini nga problema, diha na dayon nga adunay tawo nga motabang kunohay sa biktima ug mangutana sa ATM pin.
“First, check all the keypads if its working or not and never entertain strangers especially when you withdraw at ATMs. Go inside the bank and ask for help,”awhag ni Credo sa publiko. HBL