IT IS that time of the year nga subling magkatapok ug mag-bonding sa pipila ka oras nga kalingawan ang mga empleyado sa SunStar Davao Publishing Inc.
Sa nakalabay nga Disyembre 7, mirampa suot ang ilang K-pop inspired outfits ang mga empleyado alang sa tinuig nga Christmas party sa Arcadia Events Center, Colonel Emilio Escandor Street, Matina, dakbayan sa Davao.
Inubanan sa lamiang pagkaon, nalingaw sab ang tanan sa paduwa diin matag departamento may nagkadaiyang pambato.
Of course, exciting ang kagabhion sa pa-raffle nga gitagana, diin pipila sa major prizes gilangkuban sa LED TV, washing machine ug two-door refrigerator.
Luyo niini may minor and door prizes sab nga gipanghatag.
Gihatag sab ang pipila ka pag-ila ngadto sa mga empleyado ug departamento nga mipakita sa ilang maayong performance.
Sa Punctuality and Attendance, nakuha kini nila Virgilio Llanos, Cherilyn Limas ug Gracielle Cuizon.
Giila sab nga Outstanding Employee si Julie Dumalag nga mao say second ug fourth quarter Model Employee.
Si Llanos sab maoy third quarter Model Employee.
Sila Irene Signo ug Margie Abordo sab ang recipient karon nga tuig sa Long Service Award (10 years).
Gipasidunggan sab ang G and A Department isip Most Improved Team.
For this year, nanghakot ang Marketing Department sa Christmas Decor and Parol Making Contest; ikaduha ang G and A; samtang consolation ang nadawat sa Editorial ug Production Department.
Samtang ang pinaka-gahi nga midaug sa Beer Drinking Contest mao sab si Jet Encila.
Waging-wagi sab ang K-pop outfits nila Mixes Clair Dayanan ug Edwin Gipulao nga maoy Ms. and Mr. K-pop that night.
Suprise winners sab sila Mark Perandos ug Jeepy Compio sa Titan watch.
Sa iyang mensahe, si SunStar Davao president Gina Atienza nagkanayon nga bisan og daghan na og kausaban sa media industry sa nasud, apan niya, andam niini ang SunStar Davao.
Natapos ang kagabhion nga puno sa kalipay ang matag usa.
Sunod tuig na sab! Merry Christmas!