MANDAUE City Police Office nakig-alayon sa Mandaue City health alang sa human immunodeficiency virus (HIV), sinugdanan sa sakit Aids, orientation ug random testing.
Kini usa ka paagi nila nga makatabang alang sa usa sa kampanya sa Department of Health, ang HIV awareness.
Di lang sila kutob sa pagpanakop sa mga nakalapas sa balaud, kundi lakip na ang pagtabang ug pagsuporta sa mga nanginahanglan, sama na niadtong adunay mga sakit o aron di mataptan sa nagkadaiyang sakit.
Aron pagpakita og suporta, dul-an sa 50 ka mga police personnel sa Mandaue City Police Office ang random nga gipaubos sa HIV test sa Huwebes, Disyembre 13.
Sa wa pa gipaubos sa test, usa ka HIV orientation una ang gihimo sa mga sakop sa Mandaue City health ngadto kanila. FMD